Kryeministri i Kosovës, Albin Kurti, ka shmangur të japë një përgjigje të drejtpërdrejtë lidhur me mundësinë e zhvillimit të takimeve me përfaqësues të LDK-së dhe PDK-së për çështjen e zgjedhjes së presidentit.
I pyetur nga gazetarët nëse ka pasur kontakte apo negociata me këto parti, Kurti nuk ka pranuar të komentojë, duke lënë të hapur shumë pikëpyetje mbi ecurinë e procesit politik.
🎥 Shiko videon këtu:
Kliko për të parë videon në Instagram
Afati përfundimtar për zgjedhjen e presidentit është 28 prilli, çka e bën situatën edhe më të ndjeshme dhe urgjente për institucionet e vendit.
Para kësaj, kryeministri foli për çështjen e personave të pagjetur nga lufta e fundit në Kosovë, por më pas nuk u ndal për t’iu përgjigjur pyetjeve të tjera që lidhen me zhvillimet aktuale politike.
Heshtja e tij ndaj kësaj teme ka shtuar spekulimet për mungesë marrëveshjeje mes partive kryesore, në një moment kyç për stabilitetin institucional të vendit.
Ndërkohë, mbetet për t’u parë nëse në orët e fundit para afatit do të ketë lëvizje konkrete drejt një zgjidhjeje për zgjedhjen e presidentit.